വത്തിക്കാന് സിറ്റി: വിശ്വാസത്തിന്റെയും ചരിത്രത്തിന്റെയും വാസ്തുവിദ്യയുടെയും വിസ്മയമായ വത്തിക്കാനിലെ സെന്റ് പീറ്റേഴ്സ് ബസിലിക്ക നാലു നൂറ്റാണ്ടുകള് പിന്നിടുന്നു. ലോകത്തിലെ ഏറ്റവും വലിയ പള്ളിയായ മഹാദേവാലയത്തിന്റെ കൂദാശയുടെ 400~ാം വാര്ഷികാഘോഷങ്ങളുടെ സമാപനം നവം.18 ന് നടക്കും.ഇതോടനുബന്ധിച്ച് ബുധനാഴ്ച പ്രാദേശിക സമയം വൈകുന്നേരം അഞ്ചിന് ലിയോ പതിനാലാമന് മാര്പാപ്പയുടെ മുഖ്യകാര്മികത്വത്തില് വിശുദ്ധ കുര്ബാന അര്പ്പിക്കും. കഴിഞ്ഞ ഒരു വര്ഷമായി തുടര്ന്നുവന്ന വാര്ഷികാഘോഷ പരിപാടികളുടെ സമാപനം കൂടിയാണിത്.ചരിത്രവും പാരമ്പര്യവും:
ഈശോമിശിഹായുടെ ശിഷ്യനായ വിശുദ്ധ പത്രോസിന്റെ കബറിടത്തിനു മുകളില് എഡി 326~ല് കോണ്സ്ററനൈ്റന് ചക്രവര്ത്തിയാണ് ആദ്യത്തെ ബസിലിക്ക നിര്മിച്ചത്. പിന്നീട് കാലപ്പഴക്കത്താല് ജീര്ണിച്ചതിനെ തുടര്ന്ന് 1506~ല് ജൂലിയസ് രണ്ടാമന് മാര്പാപ്പയുടെ കാര്മികത്വത്തിലാണ് ഇന്നത്തെ പുതിയ പള്ളിയുടെ നിര്മാണം ആരംഭിച്ചത്. ബ്രമാന്തെ, മൈക്കലാഞ്ചലോ, ബെര്ണീനി തുടങ്ങി നവോത്ഥാന കാലഘട്ടത്തിലെ അതുല്യ പ്രതിഭകളുടെ നേതൃത്വത്തില് 120 വര്ഷത്തിലേറെ നീണ്ട പ്രയത്നത്തിനൊടുവില് 1626 നവംബര് 18~നാണ് ഊര്ബന് എട്ടാമന് മാര്പാപ്പ നിലവിലെ ബസിലിക്ക ഔദ്യോഗികമായി കൂദാശ ചെയ്തത്.

തീര്ത്ഥാടകരുടെ പ്രിയപ്പെട്ട കേന്ദ്രം:
യുനെസ്കോയുടെ ലോകപൈതൃക സ്മാരകംകൂടിയായ ഈ പള്ളിയിലേക്ക് ലോകമെമ്പാടുമുള്ള ദശലക്ഷക്കണക്കിന് വിശ്വാസികളാണ് വര്ഷം തോറും എത്തിച്ചേരുന്നത്. സന്ദര്ശകര്ക്കായി പ്രത്യേക ആത്മീയ 'ലിസണിംഗ് സ്പേസ്', ഓണ്ലൈന് ബുക്കിംഗ് സൗകര്യങ്ങള്, ഭൂഗര്ഭ കല്ലറകള് സന്ദര്ശിക്കാനുള്ള അവസരം എന്നിവയും ഒരുക്കിയിട്ടുണ്ട്. നാല് നൂറ്റാണ്ടുകള് പിന്നിടുമ്പോഴും ലോകത്തിന്റെ ആത്മീയ ഹൃദയമായി തലയുയര്ത്തി നില്ക്കുകയാണ് സെന്റ് പീറ്റേഴ്സ് ബസിലിക്ക.

Comments: